کیا آپ کا دل بھی بے ترتیب کپڑوں سے بھری الماری دکھ کر ڈوب جاتا ہے؟ ہمیشہ ایک بڑی الماری ہی حل نہیں ہوتی بلکہ آپ کو اپنے فرنیچر کو درست انداز میں ترتیب دینا ہوگا۔ مگر آپ شاید اس قسم کے منصوبے پر آنے والی لاگت سے پریشان ہیں۔ آپ کو بڑھئی کو بلانا ہو گا، سامان خریدنا ہو گا وغیرہ۔ ارے اس کی ضرورت نہیں ہے۔ الماریوں کی ایسی بہت سی تجاویز ہیں جو آپ گھر پر خود کر سکتے ہیں۔ ان منصوبوں کی سب سے اچھی بات یہ ہے کہ ان پر زیادہ خرچہ نہیں آتا۔ آپ عام پائپ وغیرہ استعمال کر سکتے ہی، سیکنڈ ہینڈ فرنیچر خرید سکتے ہیں یا ایک کھلی دیوار سے فائدہ اٹھا سکتے ہیں۔ یہ ہیں وہ ۲۵ آئیڈیاز جو آپ کو خود الماری بنانے میں مدد دیں گے۔
کپڑے اور دوسرے لوازمات رکھنے کے لیے جگہ بنانے کے لیے آپ کو بس ایک دو پائپ اور کچھ لکڑی کے تختوں کی ضرورت ہوگی۔ آپ تختوں سے شیلف بنا سکتے ہیں اور پائپ کو کپڑے لٹکانے کے لیے استعمال کر سکتے ہیں۔ آسان!
کپڑے لٹکانے کی جگہ بنانے کے لیے ایک عام پائپ لے کر اسے رنگین رسی کی مدد سے چھت سے لٹکا دیں۔ کوئی بھی خالی دیوار چنیں اور آپ سویٹر اور جیکٹیں لٹکانے کے لیے بہترین جگہ بنا لیں گے۔
آپ کو لکڑی کے سامان کی سیل میں بہت سے خزانے ملیں گے۔ اگر آپ یہ کر سکیں تو ایک پرانی الماری لے کر اسے صاف کر کے اور اس پر نیا رنگ کر کے اسے کپڑے رکھنے کی فالتو جگہ کے طور پر استعمال کر سکتے ہیں۔
کپڑے لٹکانے کے علاوہ تہہ شدہ کپڑےلٹکانے کے لیے اپنی الماری کے اوپر تین شیلف لگائیں۔ یہاں آپ تہہ شدہ کپڑیں رکھ سکیں گے اور کپڑے لٹکانے کے لیے بھی فالتو جگہ بچ جائے گی۔
اگر آپ کے پاس جگہ ہے تو ایک دیوار پر شیلف لگائیں اور دوسری کو کپڑے لٹکانے کے لیے استعمال کریں۔ آپ کے پاس کپڑے رکھنے کی صاف ستھری جگہ بن جائے گی۔
کپڑے لٹکانے کے لیے لکڑی کے لمبے لمبے ڈنڈے لگا کر ایک صاف ستھری الماری بنائیں۔ آپ اسے ہینڈ بیگ لٹکانے کے لیے بھی استعمال کر سکتے ہیں۔
کیا آپ کر اپنے کچن کا کاؤنٹر بہت پسند ہے؟ آپ اس تجویز کو سامان رکھنے کی جگہ کے طور پر بھی استعمال کو سکتے ہیں۔ درازوں والا کاؤنٹر لیں تا کہ آپ اس میں کپڑے اور دوسرا سامان رکھ سکیں۔
بہت سے شیلف لگانے سے آپ کے پاس کپڑے رکھنے کی بہت سی جگہ بن جائے گی۔ جو سامان آپ الگ رکھنا چاہیں اس کے لیے درازیں لگائیں۔
الماری کی جگہ میں اضافہ کرنے کے لیے اس میں ڈبوں کا اضافہ کریں۔ آپ اس میں اپنا سامان یا دوسرے موسم کے کپڑے رکھ سکتے ہیں۔
اگر آپ کی الماری میں کوئی ہموار سطح ہے تو اس میں سامان رکھنے کے لیے ٹرے لگائیں۔ اس طرح آپ کی ضرورت کی ہر چیز آپ کے سامنے رہے گی۔
جب آپ کے پاس سامان رکھنے کی زیادہ چگہ نہ ہو تو یہ شیلف بہت کارآمد ہوتے ہیں۔ انہیں تولیے اور بیڈ شیٹیں وغیرہ رکھنے کے لیے تعمیر کریں۔ یہ چھوٹی چھوٹی سامان رکھنے کی جگہوں سے قائہ اٹھانے کی اچھی ترکیب ہے۔
بستے بہت سی جگہ گھیر لیتے ہیں۔ الماری میں ہک لگا کر ان کے لیے جگہ بنائیں۔ آپ انہیں لٹکا کر صاف ستھرا کمرا حاصل کر سکتے ہیں۔
جوتوں کو الماری کے نچلے حصے میں ٹھونسنے کے بجائے جوتوں کے ڈبے استعمال کریں۔ اس سے جوتے ٹھیک بھی رہیں گے۔ آپ جوتوں کے ڈبے ٹائیاں اور جرابیں وغیرہ رکھنے کے لیے بھی استعمال کر سکتے ہیں۔
اگر آپ چاہتے ہیں کہ آپ کی الماری میں کپڑے رکھنے کی زیادہ جگہ ہو تو آپ کو باقی سامان جیسا کہ بیڈ شیٹیں وغیرہ رکھنے کے لیے جوتوں کے ڈبے استعمال کرنے چاہئیں۔
سکارف زیادہ جگہ تو نہیں لیتے وگر آپ کے تاس جتنے زیادہ سکارف ہوں انہیں ترتیب سے رکھنا اتنا ہی بڑا مسئلہ بن جاتا ہے۔ایک آسان حل الماری میں ایک ہینگر پر شاور کے پردے کے ہک لگا کر ان پر سکارف لپیٹنا ہے۔ اس سے سب سکارف آپ کی دسترس میں رہیں گے اور ان پر شکنیں بھی نہیں آئیں گی۔
اگر آپ کی الماری بہت ہی چھوٹی ہے تو آپ سادہ لوہے کی زنجیروں سے کپڑے لٹکانے کی جگہ بنا سکتے ہیں۔ اپنے ہینگر پر ایک دو انچ لمبی زنجیر لگائیں اور آپ کر مزید ہینگر لٹکانے کے لیے جگہ مل جائے گی۔
اپنی الماری میں چوڑائی میں بنے ہینگر لگا کر آپ مختلف سامال الگ الگ رکھ سکتے ہیں۔ اس طرح آپ الماری کو بےترتیب کیے بغیر جگہ کا اچھا استعمال کر سکیں گے۔
سکارف کی طرح ٹائیاں بھی بہت جگہ گھیر لیتی ہیں جب وہ آپ کے پاس وافر مقدار میں موجود ہوں۔ اپنی الماریوں میں خاص طور پر ٹائیوں کے لیے ایک دراز لگوانا ایک اچھی تجویز ہے۔ آپ انہیں شکنوں سے بچا کر ترتیب سے رکھ سکتے ہیں۔
اگر آپ کی الماری میں لوازمات رکھنے کی جگہ نہیں رہی تو سکارف اور تولیے وغیرہ رکھنے کے لیے اس کس نزدیک ٹوکریاں لٹکائیں۔ یہ ان چیزوں کے لیے بہترین ہیں جن پر شکنیں نہیں پڑتیں اور الماری میں کپڑے رکھنے کی جگہ بچ جاتی ہے۔
بستے، سکارف اور کپڑے تک لٹکانے کے لیے اپنی دیواروں میں دو دروازہ کھولنے والے دستے لگائیں۔ آپ ان پر ہینگر بھی لگا سکتے ہیں، اس طرح الماری میں قیمتی کپڑوں کے لیے زیادہ جگہ بچ جائے گی۔
آپ شیلف کے نیچے ہک لگا کر کوٹ اور جیکٹیں لٹکانے کے لیے بہترین جگہ بنا سکتے ہیں۔ آپ یہاں لوازمات کے لیے ٹوکریاں لٹکا کر الماری میں جگہ بھی خالی کر سکتے ہیں۔
اگر آپ کی الماری میں شیلف کی جگہ کم ہے تو بید سے بنی ٹوکریاں آپ کو سامان رکھنے کی مزید جگہ دیں گی۔ آپ ان میں تولیے، بیڈ شیٹیں اور دوسرا سامان رکھ سکتے ہیں۔ اور مزے کی بات یہ کہ یہ دیکھنے میں بھی اچھی لگتی ہیں۔
اگر آپ کی الماری چھوٹی ہے تو اس تک رسائی آسان ہونی چاہیے۔ مڑنے والے دروازے ایک بہترین تجویز ہیں کیوں کہ ان کی مدد سے آپ کمرے کی جگہ میں کمی لائے بغیر اپنی الماری میں جھانک سکتے ہیں۔
اپنی الماری میں جوتوں اور بستوں کے لیے مختص حصے بنائیں۔ ڈبون جیسے سوراخوں میں آپ بیگ رکھ سکتے ہیں اور جوتے شیلف میں سما سکتے ہیں۔
جیسا کہ آپ نے دیکھا، ان آسان تجاویز پر عمل کرنے سے آپ کی الماری صاف اور منظم ہو جائے گی۔ اب آپ کے کپڑے اور سامان آپ کی الماری سے باہر سرک کر آپ کے کمرے کو تباہ حالی کا نمونہ نہیں بنائے گا۔
مزید تجاویز کے لیے دیکھیے: چھوٹے گھروں کے لیے ۷ بہترین الماریاں۔