Tu navegador no está actualizado.
Para tener una mejor experiencia con nuestro sitio, te recomendamos descargar otros navegadores gratuitos ¡Para eso, solo tienes que hacer click en el ícono!
خواب گاہ آپ کے گھر کے اہم ترین حصوں میں سے ایک ہے جسے آپ عین اپنی شخصیت کے مطابق سنوارتے ہیں۔ اگر دیکھا جائے تو خواب گاہ کی سجاوٹ اتنا مشکل کام نہیں ہے۔ درست عناصر کے استعمال سے آپ اپنی عام سی خواب گاہ کو بھی دلربا بنا سکتے ہیں۔ اور وہ درست عناصرکیا ہیں یہ ہم آپ کو آج بتائیں گے۔
صبح صبح آنکھیں کھولتے ہی قدرت کی دلکشی پر نظر ڈالنا کتنا پرسکون ہو گا! ایک کھڑکی کے بجائے پوری دیوار کو شیشے کے دروازوں کی مدد سے باغ کی طرف کھولنا ایک بہترین تجویز ہے۔ یوں سبزہ و ہریالی کی ٹھنڈک آپ کو سارا دن تروتازہ رکھے گی۔
اپنی خواب گاہ کو سب سے منفرد بنانے کے لیے آپ بستر کے کناروں پر لیمپ رکھنےکے بجائے چھپ سے لٹکتی روشنیاں لگا سکتی ہیں۔ رات کے وقت روشن کرنے پر یہ ایک افسانوی ماحول تخلیق کریں گی اور آپ خود کو اپنی خواب گاہ میں کسی شاہزادی جیسا محسوس کریں گی۔ ہیڈ بورڈ کی جگہ آئینے کا استعمال بھی ایک بے حد منفرد تجویز ہے۔ اس سے نہ صرف خواب گاہ کشادہ لگے گی بلکہ اس سے چھلکتا روشنیوں کا عکس ماحول کو مزید خوابناک بنا دے گا۔
گھر بیٹھے کام کرنے والے افراد خواب گاہ کے ایک کونے کو آفس کےطور پر استعمال کر سکتے ہیں۔ یہاں بیٹھ کو آپ گھر کے باقی افراد کو پریشانی میں دالے بغیر آسانی سے اپنا کام یا پڑھائی کر سکیں گے۔ یہ ان لوگوں کے لیے بہترین ہے جو رات کو دیر تک یا صبح اٹھتے ہی کام پر لگ جانا پسند کرتے ہیں۔
خواب گاہ کو تازہ وضع دینے کے لیے وہاں کچھ پودوں کی موجودگی لازمی ہے۔ اب ضروری تو نہیں کہ ہر ایک کی خواب گاہ سے باغ کا حسین نظارہ دیکھا جا سکے مگر خواب گاہ کے اندر کچھ پودے رکھ کر آپ یہ کمی پوری کر سکتے ہیں۔ بس انہیں ایسے رخ پر رکھیں کہ یہ آسانی سے دھوپ اور روشنی حاصل کر سکیں۔
عام طور پر ڈیزائنرز بستر کی پچھلی دیوار کو مختلف طریقوں سے نمایاں کرنا پسند کرتے ہیں۔ ان میں سب سے آسان طریقہ اس دیوار پر بڑا سا وال سٹیکر لگانا ہے۔ یہ بازار میں عام ما جاتے ہیں اور کم قیمت پر دستیاب ہیں۔
بستر کی پچھلی دیوار پر شیلف بنوا کر آپ اسے اپنا ضروری سامان یا آرائشی اشیاء رکھنے کے لیے بھی استعمال کر سکتے ہیں۔ کوشش کریں کہ ان طاقوں کو بہت زیادہ نہ بھریں اور ان میں ایسا سامان رکھیں جس کے گرنے کا خطرہ نہ ہو اور آپ کسی نقصان سے محفوظ رہیں۔
اپنی خواب گاہ کو کچھ رنگوں سے سجانے سے کبھی نہ گھبرائیں۔ عام طور پر خواب گاہ کی دیواروں کو سفید رکھا جاتا ہے۔ اگر آپ کی خواب گاہ کی دیواریں بھی سفید ہیں تو بستر کی چادروں، تکیوں یا آرائشی سامان کے ذریعے رنگوں کا اضافہ کریں۔
کم قیمت میں خواب گاہ کو سب سے انوکھا بنانے کا ایک آسان راستہ اس میں اپنی پسند کا وال پیپر لگانا ہے۔ اب وہ زمانے گئے جب وال پیپر صرف گنے چنے رنگوں اور نمونوں میں ملا کرتے تھے، آج کل ایسے وال پیپر موجود ہیں جن سے پوری دیوار پر کسی فن پارے کا گمان ہوتا ہے۔
خواب گاہ میں اپنی شخصیت کا عکس لے آنے کا ایک اور آسان طریقہ دیواروں پر تصاویر اور فن پارے لگانا ہے۔ لمبے پردے کمرے کو اونچا دکھاتے ہیں۔
اب دیکھیے: خوشنما رنگوں اور آرام دہ بستروں والی ۶ خواب گاہیں۔
